تجربتي مع حب الشباب

في الصورة فوق تشوفون تقييم الناس اللي استفادوا من البيكينغ صودا في موقع خاص باللي عندهم حب الشباب  اذا إنتي تحت ال٢١ فالعلاجات الطبيعية أفضل شي  ومثل ماقلت في البوست السابق البيكينغ صودا هو اهم عنصر في كل الوصفات 

ممكن تحطينه مع ليمون وخل نفس الوصفة في البوست السابق 

او تخلطينه بالمويه ملعقه منه مع ملعقه مويه وتسوين مساج لمدة ٣ دقايق

 او تحطين ملعقه في فنجال مويه وتغسلين فيه وجهك مع مساج له وتخلينه من غير غسل طول اليوم

 والطريقة الاخيرة للي بشرتهم حساسه الضيفين ملعقتين مع ملعقه ليمون مع ملعقه عسل وتسوين مساج له وتخلينه١٥ دقيقه وتغسلينه تكررين العمليه هذي ٣ مرات تقريبا في الاسبوع #يتبع

#تجربتي_مع #حب_الشباب #البشرة_الدهنية #البشرة_الدهنيه #البشرة

تجربتي مع حب الشباب

تجربتي مع حب الشباب كانت متعبه جربت كل المنتجات حتى اضطريت اروح للمنتجات القويه مثل ريتين ايه 

انتهت الحبوب وراحت من استخدام حبوب منع الحمل بعد الزواج

بس استخدامي لريتين ايه ترك حفر بسيطه في وجهي لان انا اصلا ما كانت كثيره الحبوب فاذا تبين حل جذري هو:

 حبوب منع الحمل او منظم الهرمونات 

اذا كنتي صغيرة فالغسول و الكريمات هي حل علشان ماتكثر او يصير وجهك مدهن 

في حلول ثانية من تجارب كثيرين جمعت افضل التجارب واللي اغلبية المجربين اجمع عليها :

تجربة الليمون وخل التفاح وبيكاربونات الصوديوم

التجربه هذي كثير يستخدمونها الاجانب 

سواء كل الثلاث مع بعض 

او البيكاربونات بلحالها مع المويه 

او البيكاربونات والليمون 

او البيكابونات و خل التفاح 

الطريقه تخلطين ملعقتين من بيكاربونات الصوديوم مع ملعقه ليمون وملعقه خل تفاح وتحطينها على وجهك وتتركينها لمدة 15 دقيقه وتغسلين وجهك بمويه دافيه تستخدمينها حسب بشرتك يوم اي ويوم لااو مرتين بالاسبوع النتيجه تبان معك خلال اسبوع وفي تجربه ان الحبوب اختفت بعد 10 ايام  الطريقة الثانية:

الفكس :) ادري انه شي غريب !!

بس في تجارب لاجانب وتجارب كثير هنا وانها مره تصفي حتى اثار الحبوب والنتيجه نفس الشي من اسبوع ل 10 ايام 

التجربتين هذي حسب المجربين انها فضيييعه وانها بمجرد اول استخدام بدأت الحبوب تصغر وتختفي . 

#تجربتي_مع #حب_الشباب #البشرة #البشره_الدهنيه

تجربتي مع المكملات الغذائية

#تجربتي_مع #المكملات_الغذائية بدت ب #زيت_كبد_الحوت لأنهم كانوا يقولون زين للشعر والأظافر 

بس مافادني كثير اللي استفدت منه حبوب #سنتروم #centrum

قريت كثير عنه في النت وتجارب كثير علشان كذا اعتمدته وصبرت عليه 

اذكر مره كانوا يقولون المفروض توقفين عن الحبوب بعد ماتاخذينها ٣ شهور متتالية توقفين شهر وانا سحبت وقفت عنها يمكن ٣ شهور وبدا يتساقط شعري

كنت أفكر ايش اللي تغير في روتيني وخلا شعري يتساقط قلت يمكن لأَنِّي وقفت المكمل الغذائي ورجعت اخذه والحمد لله وقف التساقط 

انا اكلي مو متكامل وإذا رتبت لي نظام اكل مفيد أمل منه وارجع لنظامي السئ علشان كذا ما اقدر اوقف المكملات 

اما ال #مغنيسيوم أخذته بعد تجربتي مع #نقص_فيتامين_د وارتحت عليه كثيييير الحمد لله

ماصورت زيت كبد الحوت لأنه خلص عندي بس أتوقع الكل يعرفه اللي هو سفن سيز.  اللي غطاه احمر وفيه رسمة موج 

اللي تحب تاخذه اسمه سفن سيز